ඔබේ සිහින වලින් සල්ලි හොයන Youtube JOB Scam | Scam Alert (සැළසුම් සහගත වංචා)
නිකන් හරි Youtube පැත්තේ ගියොත් ලේසියෙන් සල්ලි හොයන්න පුළුවන් ක්රම දහස් ගණනක වීඩියෝ තියේ නේද? එක වීඩියෝ එකක් විනාඩි 15-20ක් පමණ දිගයි. ලස්සන හිත ඇදිලා යන මාතෘකාවක් තියේ… “ඩේටා කේබල් / හෑන්ඩ් ෆ්රී පැකට් වලට දාලා මාසෙට ලක්ෂයක් උපයමු”
▪️ පරිප්පු පැකට් කරලා ලක්ෂ ගණන් උපයමු
▪️ පෑන් වලට බට දමා මාසිකව රු.90,000ක් හොයන්නේ කොහොමද ?
▪️ ඇඳුම් වල ටැග් ගසා මුදල් සොයන්න ඔබත් කැමතිද?
▪️ තේ කොළ පැකට් කරලා මාසෙට රු.50,000ක් උපයන්නේ මෙහෙමයි.
▪️ බෝතල් වලට ගම් දාලා සල්ලි හොයන්න කැමතිද?
▪️ බයිට් පැකට් කරලා සල්ලි හොයමුද?
▪️ පොත් වලට ස්ටේප්ලර් කටු ගසා මාසෙට මෙච්චරක් හොයන්න පුළුවන් කියලා ඔබ දැනන් හිටියද?
▪️ ලුණු පැකට් කරලා ජීවිතය ජයගන්න කැමතිද?
▪️ ගෙදර ඉඳන් බබත් බලාගන්න ගමන් සෝයා මීට් පැකට් කරලා සල්ලි හොයමු
▪️ කොණ්ඩ කටු පැකට් කරලා සල්ලි හොයමු
▪️ පහන්තිර අඹරලා පැකට් වලට දමලා ලක්ෂපතියෙක් වෙන්න
▪️ හඳුන්කූරූ පැකට් කරලා මාසේ ආදායම හොයාගන්නේ මෙහෙමයි
▪️ ඇසුරුම් සකස් කරලා සහ ලිපිකවර අලවලා මාසෙට රු.50,000ක් උපයන්න.
▪️වදමල් වේලලා රටයවලා සල්ලි හොයමුද?
▪️ රම්පේ ග්රෑම් 20ක් $10ට අලෙවි කරන රහස්
▪️ වේළපු කොස්කොල eBay එකේ අලෙවි කරන්නේ මෙහෙමයි
▪️ මේ ස්වයංරැකියාව කලොත් ආයේ ජොබ් ඕන නෑ
▪️ වදමල් වගාවෙන් ලක්ෂ ගණන් උපයන හැටි
▪️ කොට්ටම්බා කොල විකුණා ලක්ෂයක්
▪️ කොට්ටම්බා කොල වලින් සල්ලි මවන හැටි
▪️ මාසෙන් ලක්ෂපතියෙක්, ඕනෑතරම් අපි මිළදී ගන්නවා. කොට්ටම්බා කොල වේලන්න
▪️ කොස් කොල වලින් සල්ලි හොයන්න ඉක්මනට මේ වීඩියෝ එක බලන්න
▪️ කොල 100ක් රු.2800යි. කොස් කොල විකුණන්න
▪️ දෙල් කොල පිටරට යවන හැටි. දෙල් කොල 10ක් රු.3500
ඉහත ආකාරයේ වීඩියෝ දහස් ගණනක් චැනල් වල අප්ලෝඩ් කරලා තියේ. මේ චැනල් වලින් කරන්නේ ෆේස්බුක් එකේ පළකර තිබෙන ස්වයංරැකියා අවස්ථා හෝ පත්තර වල යන ස්වයංරැකියා අවස්ථා ගැන විඩීයෝ හදලා දාන එක. හැබැයි 10%ක් පමණ එහෙම වෙනත් තැන්වලින් තොරතුරු ගන්නකොට, 90%ක් පමණ ෆේක් ජොබ් නිර්මාණය කරන එකත් කරනවා. මොකද චැනල් එකට පිරිස වැඩි කරගන්න පුළුවන් එතකොට.
ගොඩක් ඉන්දියාවේ වීඩියෝ හෝ ඉන්ටර්නෙට් එකේ තියෙන විවිධ ස්වයංරැකියා සම්බන්ධ වීඩියෝ ඩවුන්ලෝඩ් කරලා මේ අය අප්ලෝඩ් කරනවා. ඒවා පේන්නේ ලංකාවේ වීඩියෝ වගේ. සබන් පැක් කරනවා, පෑන් පැක් කරනවා වගේ ලේසි වැඩ කරන වීඩියෝ තියෙන්නේ.
ඔයාලා නිකමට හරි හිතනවද කම්පැනි වලින් ඔයාලට බඩු එවලා ඕවා කරගනී කියලා. ඔය කියන තරම් ලක්ශ ගණන් පඩි දීලා. එච්චර වියදම් කරන්නේ මොකටද දැන් කාලේ ගාර්මන්ට් වලත් රු.30,000 වැටුපට ළමයි ගන්න කාලේ, ඔයාලට ගෙදරටම ඔක්කොම බඩු කිසිම බයක් නැතිව කුරියර් සේවාවක් හරි ගෙනත් දීලා, ගෙදර ඉඳන් ඕක කරලා ලක්ෂයක් පඩි දේවි කියලා හිතනවද? අධ්යාපනය වැදගත් කියන්නේ ඒකයි. හැමෝම බුද්ධියෙන් විමසා බලන්නේ නෑ. “ගෙදර ඉඳන් ලක්ෂයක් කීව ගමන්” ඕන බොරුවකට අහුවෙනවා. මේ පේජ් එකේ වුනත් අපි Scam Alert කියලා පෝස්ට් එකක් දාපුවහම ඒක කියවන්නේ නෑ. ඒකේ රූපේ විස්තර බලලා Details Please කියනවා. ඉතිං රැවටෙනවා. සල්ලි නැති කරගන්නවා.
සමහර මිනිස්සු (හොරු) ෆේස්බුක් පෝස්ට් දානවා “පහන්තිර අඹරලා මාසෙට රු.50,000ක් උපයමු. බඩු නිවසටම එවනවා. කුරියර් ගාස්තුව හෝ වටිනාකමින් 25%ක් ගෙවලා බඩු ලැබුණහම ඉතිරිය ගෙවන්න” කියලා දුරකතන අංකයක් සමඟ පෝස්ට් එකක් දානවා. ඇත්තෙන්ම එයත් ස්කෑම් එකක්. අපේ යූටියුබ් චැනල් කරන අය කරන්නේ ඒ තනි මැසේජ් එක විනාඩි 20ක වීඩියෝ එකකට හරවලා වීඩියෝ එක අවසානයේ අර හොරාගේ දුරකතන අංකය දානවා. නැතිනම් අංකය ගන්න Description එකේ තියෙන ඇප් එකට ලියාපදිංචි වෙන්න කියනවා. බොහෝ වෙලාවට චැනල් එකේ කෙනාට ඒ මනුස්සයා හොරෙක්ද නැද්ද කියන එක අදාල නෑ. එයාට ඔය වගේ ස්වයංරැකියාවක් කියන්නේ නිධානයක් වගේ. මොකද චැනල් එකේ Subscribe සහ Watch Time/Views වැඩි වෙනවනේ. ඉන්පසුව Adsense හරහා මුදල් ලැබෙනවා.
ගොඩක් චැනල් වලින් ඔවුන් අප්ලෝඩ් කරන වීඩියෝ වල කමෙන්ට් Off කරනවා. එහෙම කරන්නේ වංචා සහගත සිතුවිල්ලෙන්. මොකද ඒ වීඩීයෝ එක ව්යාජ එකක් කියලා දැනගත්ත ගමන් අනෙක් අය කමෙන්ට් කරනවනේ. එය වළක්වන්න මේ අය කමෙන්ට් ඕෆ් කරලා දිගටම වීඩියෝ දානවා. සමහර අය එයාලගෙම ෆේක් ගිණුම් වලින් කමෙන්ට් දාලා Recommend කරනවා ජොබ් එක.
හැබැයි තව ක්රමයක් මේ අය භාවිතා කරනවා. ඒ Idea Mart Platform එක භාවිතා කරලා හදනවා ඇප් එකක්. අපිත් ඔබට ඒ ඇප් නිර්මාණය කරගන්න ආකාරය ඉගැන්නුවනේ. අන්න ඒ විදිහට. ඒ ඇප් එකට දානවා අර ජොබ් එක ගැන විස්තර. දුරකතන අංකය තියෙන්නේ ඇප් එක ඇතුලේ. ඒක බලන්න නම් දිනකට රු.3, 5, 10 වගේ මුදලක් ගෙවලා ඇප් එකට ලියාපදිංචි වෙන්න ඕන. ඔන්න ඔය ක්රම දෙකෙන් තමයි මේ චැනල් මුදල් හොයන්නේ.
හැබැයි ඔබට මුදල් ලැබීමේ සම්භාවිතාවය 1%ක් පමණ තියෙන්නේ. මොකද 99%ක්ම මේවා ව්යාජ රැකියා. හැබැයි චැනල් 3-4ක් තියේ නිවැරැදිව තොරතුරු දෙන සහ ස්වයංරැකියා Review කරන. හරි චැනල් එක සොයාගන්න ඔබ බුද්ධිමත් වෙන්න ඕන. මේ පෝස්ට් එක පමණක් ප්රමාණවත් ඔබට එය තේරුම් ගන්න.
යූටියුබ් චැනල් එකකින් හෝ Ideamart ඇප් එකක් හරහා මුදල් උපයන එක වැරදි නෑ. හැබැයි නිවැරැදි ආකාරයට. මිනිස්සුන්ට වංචා නොකර. මිනිස්සුන්ගේ හීන එක්ක සෙල්ලම් නොකර. අපි ඔබට මුලින්ම කියලා දුන්නා චැනල් එකකින් නිවැරැදිව මුදල් උපයන ආකාරය. ඒ ආකාරයට මිනිස්සුන්ට වැදගත් වෙන දේවල් අප්ලෝඩ් කරලා ආදායම් උපයන්න.
උදාහරණයක් විදිහට අපේ පේජ් එකේ දිනපතා පළකරන පෝස්ට් සමහර චැනල් වලින් PDF කරලා වෙන අයට විකුණනවා. අපේ පේජ් එකේ නොමිළයේ උගන්වන දේවල් මිනිස්සුන්ට අගයක් නෑ. නමුත් චැනල් වලින් එහි අගය වටහාගෙන ඒ අය ඒකෙන් මුදල් උපයනවා. අපේ අය ක්ෂණිකව මුදල් හොයාගන්න හිතාගෙන අපි නොමිළයේ උගන්වල දේවල් මග ඇරලා වෙන අයට සල්ලි ගෙවලා අපේ විස්තරම අරගෙන ආපහු අපිටම මැසේජ් කරනවා සල්ලි හොයන්න. මෙසේ කරන චැනල් පිළිබඳව හෝ අපගේ ලිපි PDF කරන චැනල් / පේජ් / වට්ස් ඇප් ගෲප් පිළිබඳව අප වගකීමක් ගන්නේ නැතිබවද මතක තබාගන්න.
අපේ පේජ් එකේ / ආයතනයේ රැකියා ගැනද ගොඩක් චැනල් වලින් වීඩියෝ හදලා තියේ. ඒක ඇත්තෙන්ම හොඳයි. අගය කරනවා. අපි වගේ නිවැරැදිව ස්වයංරැකියා / රැකියා දෙන ආයතන පමණක් හොයලා චැනල් එක කරන්න පුළුවන් නම් ගොඩක් වටිනවා. මොකද චැනල් එක විශ්වාස කරලා ඒ අය ස්කෑම් වලට සල්ලි දාන්න ඉඩ තියේනේ.
ඔබ දන්න ව්යාජ තොරතුරු සපයන චැනල් වල ස්ක්රීන්ශොට් මේ පෝස්ට් එකට කමෙන්ට් කරන්න.
ඉතිං මිනිස්සුන්ගේ මේ කම්මැලි කම සහ මෝඩකම නිසාම අපිත් හිතුවා ඉදිරියට ඔවුන් කැමති ආකාරයට නොමිළයේ උගන්වන්නේ නැතිව මුදලක් ගෙවලම කියලා දෙන්න.. ඒ ගැන ඉදිරියේදී විස්තර කියන්නම්.
◾◾◾◾◾◾◾◾◾◾
මේ පෝස්ට් එක අවබෝධයෙන් කියවා තේරුම් ගන්න පුළුවන් කෙනෙක් කවදාවත් ආයේ Scam එකකටනම් අහුවෙන එකක් නෑ. ඒත් අවාසනාවකට මිනිස්සු මේක කියවන්නේ නෑ. මේ පෝස්ට් එක Skip කරලා ගිහින් ඒකට යටින් News Feed එකේ පෙන්වන රු.ලක්ෂයක් ආයෝජනය කර මාසෙන් ලක්ෂ 10ක් හොයන්න කියන පෝස්ට් එකක් කියවාවි. ඒක තමයි ලංකාවේ හැටි.
මේ පෝස්ට් එකේ අපි Youtube Scam ගැන කියලා දුන්නට ගොඩක් පාඨමාලා කරන ආයතන සහ චැනල් නම් කැමතිවෙන එකක් නැ. හැබැයි දැන් අපිට මඩගහන්න පටන් ගනීවි. ඒත් ඒ හැමෝම ඔබව රවටා මුදල් උපයන ආකාරය ගැන ඔබ දැනගන්න ඕන කියලා හිතුවා. නමුත් මේ ආකාරයට නිවැරැදි තොරතුරු දීලා නිවැරැදිව මුදල් උපයන චැනලුත් ඕනෑ තරම් තියෙනවා කියලා අමතක කරන්න එපා. ඒවා තෝරා බේරා බලන්න බුද්ධිමත් වෙන්න…
බුද්ධිමත් වෙන්නනම් අධ්යාපනය වැදගත්…
ඒ සඳහා දිනපතා අපේ පේජ් එකේ පෝස්ට් කියවන්න…
Hotline : 0117 133 829 / 0701 10 10 10
Business HUB Sri Lanka | ව්යවසායකත්ව අත්වැල
𝗧𝗲𝗰𝗵𝗟𝗮𝗯𝘀 𝗜𝗻𝗻𝗼𝘃𝗮𝘁𝗶𝘃𝗲 𝗦𝗼𝗹𝘂𝘁𝗶𝗼𝗻𝘀 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 (𝗣𝘃𝘁) 𝗟𝘁𝗱 – Reg No : PV00234253
#businesshubsrilanka #techlabs #charityshop #daneshedirisooriya #business #swayanrakiya #onlineearning #entrepreneur #selfemployment #emoney #Technopreneurs #businesssuccess #businessideas #selfemployementideas #techlabsonlinebusinessideas #onlinebusinessideas #scamalert #youtubeearnings #youtubescams #pyramidscams