සුද්දෙක් එක්ක සෙට් වෙලා කරන මේ අමුතු ජාවාරමට අහුවෙන්න එපා – Scam Alert
තරිඳු චතුරංග හංවැල්ල ප්රදේශයේ පදිංචි තරුණයෙකි. වයස අවුරුදු 26 කි. අවිවාහකයෙකි. ඔහු දැනට මෙරට ප්රසිද්ධ මාධ්ය ආයතනයක සේවය කරයි. තනිකඩයකු වූ ඔහුගේ එකම විනෝදාංශය වූයේ අන්තර්ජාලයේ සැරිසැරීමයි. ඒ අතර ෆේස්බුක් සමාජ මාධ්ය ජාලයේ ද ඔහු ප්රබල සාමාජිකයකු විය.
දිනක් පීටර් ඇන්ඩර්සන් නමැති විදේශීකයකු තරිඳුගේ ෆේස්බුක් ගිණුම හරහා මිතුරකු වීමට ඉල්ලීමක් කර තිබුණි. එය නෙත ගැටුණු තරිඳු එම ඉල්ලීම එක පයින්ම පිළිගත්තේය. එතැන් පටන් තරිඳු සහ ඇන්ඩර්සන් මුහුණු පොතේ මිතුරෝ බවට පත්වූහ. ඉන්පසු දෙදෙනා මැසෙන්ජර් හරහා පණිවිඩ පවා හුවමාරු කරගත්හ. සති කිහිපයක් එලෙස ගතවිය.
දිනක් ඇන්ඩර්සන් මැසෙන්ජර් හරහා තරිඳුගේ ජංගම දුරකතන අංකය ඉල්ලා ගත්තේය. එලෙස ඉල්ලාගත් ඔහු වට්ස්ඇප් හරහා තරිඳුට ඇමතුමක් ලබා දුන්නේය. එලෙස ලබා දුන් ඔහු තරිඳු සමඟ මෙලෙස කතාබහ කළහ.
”හෙලෝ තරිඳු කොහොමද? මම ඇන්ඩර්සන්.”
”හෙලෝ. හොඳයි. හොඳින් ඉන්නවා. මට හිතාගන්නවත් බැහැ.”
”ඒකනේ. මම ඔයාගේ නම්බර් එක ඉල්ල ගත්තෙ කෝල් එකක් දෙන්න.”
”ඉතින් ඇන්ඩර්සන් කොහොමද ඔයාට.”
”මමත් අපේ පවුලේ හැම දෙනාමත් හොඳින්. ඒක නොවේ ඔයාගේ රැකියාව මොකක්ද.”
”මම පෞද්ගලික අංශයේ මාධ්ය ආයතනයක වැඩ කරනවා.”
”හොඳ රැකියාවක්නේ තරිඳු”
”ඔව් ඒක හොඳ රැකියාවක් තමයි. ඇන්ඩර්සන් ඔයා මොකද කරන්නේ.”
”මම ව්යාපාරිකයෙක්. මගෙ ළඟ සේවකයෝ ගොඩක් වැඩ කරනවා. මම ඉදිකිරීම් ක්ෂේත්රයට සම්බන්ධ ව්යාපාරත් කරනවා.”
”එහෙනම් ඇන්ඩර්සන් කෝටිපතියෙක් නේ.”
”ඔහු තරිඳු ඇත්තටම මම කෝටිපතියෙක්. ඒවගෙම හිත හොඳ මනුස්සයෙක්.”
”ඔව් ඒක පේනවා ඔයාගේ කතාවෙන්.”
”මට ඇතිවෙන්න සල්ලි තියෙනවා. මම ඒ සල්ලි ගොඩක් වියදම් කරන්නෙ දුප්පත් මිනිස්සු වෙනුවෙන්. ඒක මගේ විනෝදාංශයක්.”
”ඔබ වැනි හිත හොඳ පුද්ගලයෙක් සමග මිතුරු වීමට ලැබුණු එකත් මට වාසනාවක්.”
”එහෙම කියන්න එපා. අපි කවුරුත් මනුස්සයොනෙ තරිඳු.”
”ඔයා ඕන ප්රශ්නයක් මට කියන්න. මම ඕන උදව්වක් ඔයාට කරන්නම්.”
”බොහොම ස්තූතියි. එහෙත් එහෙම උදව්වක් ඕනෙ නෑ ඔබගෙන්. අපි මේ යාළුකම දිගටම පවත්වා ගෙන යමු.”
”ඇත්තටම ඔයා මටත් වඩා හොඳ කෙනෙක්. සමහරු එහෙම කිව්ව ගමන් මගෙන් උදව් ඉල්ලනවා. එහෙත් ඔයා එහෙම කළේ නැහැ. කෙලින්ම කිව්වා මට උදව් එපා කියලා. ඒකට මම ගොඩක් ගරු කරනවා.”
එදින දෙදෙනා පැයක් පමණ තම තොරතුරු හුවමාරු කරගත්හ. එතැන් සිට දිනපතාම ඇන්ඩර්සන් තරිඳුට ඇමතුමක් ලබාදී දුක සැප සහ ආගිය තොරතුරු විමසුවේය. ඒ සමග ඔහුගේ මිත්රත්වය තව තවත් වැඩිවන්නට පටන් ගත්හ.
කලක් ගත වෙද්දී ඇන්ඩර්සන් තම බිරිඳ, දියණිය සහ මිතුරන්ගේ පින්තූරද තරිඳුට වට්ස්ඇප් හරහා එව්වේය. සති කීපයක් එලෙස ගත විය. දිනක් ඇමතුමක් ලබා දුන් ඇන්ඩර්සන් තරිඳුට මෙලෙස පැවසුවේය.
”තරිඳු මම ඔයාට තෑගි වගයක් එනවා.”
”ඇයි මේ එකපාරටම. මට තෑගි එපා.”
”එහෙම කියන්න එපා තරිඳු. මම මේ හිත සතුටින් දෙන දෙයක්. ඔයා දන්නේ නැහැ මගෙ ළඟ වැඩ කරන සේවකයන්ට පඩියට අමතරව තෑගි බෝගත් මම දෙනවා . ඒ මගේ හැටි මගේ සතුට එක. ඒක නිසා මම දෙන තෑගි ටික බාර ගන්න.”
”අනේ මන්දා. ඇන්ඩර්සන් කියන නිසා මම භාර ගන්නම්.”
”ඔයා දන්නවද මම ඔයාට ගත්තෙ මොනවද කියලා.”
”නැහැ. මම දන්නේ නැහැ.”
”නිකන් හිතලා කියන්න.”
”එහෙම මට එක පාරටම කියන්න බැහැ. වටින දෙයක් අරගෙන ඇති.”
”ඔයා දන්නවද මම ඔයාට ගත්තා. අයි ෆෝන් එකක්, රත්තරන් චේන් එකක්, බ්රේස්ලට් එකක්, සපත්තු, ඇඳුම්, සුවඳ විලවුන් ඒ වගේම ඔයාගේ පවුලේ අයට තෑගී බෝග ගොඩක්. ඔයාට හිතාගන්නවත් බැරි තරම් තෑගි මම ගත්තා.”
”ඇන්ඩර්සන් පිස්සුද ඔයාට. එච්චර තෑගි දෙන්න.”
”ඔයා හිත හොඳ කෙනෙක්. ඒකයි මම මෙහෙම තෑගි දෙන්නෙ. ඒ විතරක් නොවේ තරිඳු මම ඩොලර් විසිපන්දාහකුත් ඔයාට එවනවා.
”ඇන්ඩර්සන් මට නම් හිතාගන්නවත් බැහැ.”
”හිතා ගන්න පුළුවන් වෙයි මේ ටික ඔයාට ලැබුණහම.”
”ඉතිං මම ඔයාට කිසි දෙයක් කරලා නැහැ. ඇයි මට මෙච්චර තෑගි දෙන්නේ.”
”ඒක මගේ කැමැත්ත. මම ඔයාව බලන්න ලංකාවටත් එනවා. ඒ ආවහම මට සලකන්න මේ තෑගි වලට හරියන්න. එතකොට හරිනෙ.”
”ඇන්ඩර්සන් ඔයා එන්න ජීවිත කාලෙම අපේ ගෙදර ඉන්න.”
එලෙස කතා කර දින දෙකකට පසු ඇන්ඩර්සන් තරිඳුට පින්තූර සහ වීඩියෝ පට කිහිපයක් එව්වේය. ඒ සියල්ලේම තිබුණේ ඇන්ඩර්සන් විසින් ඔහුට ලබාදීමට ගෙන තිබූ තෑගි භාණ්ඩයි. ඔහු පැවසූ සියලූම දේ එහි තිබුණි.
එම පින්තූර සහ වීඩියෝ පටවල තිබූ තෑගි දැක තරිඳු ඉතාමත් සතුට පත්විය. කාර්යාලයේ ඔහුගේ හොඳම මිතුරන් වූයේ චමත් සහ වරුණයි. එදින තරිඳු තම මිතුරන් දෙනාට ඇන්ඩර්සන් ගැන සහ ඔහු ලබාදීමට යන තෑගි සහ මුදල් ගැන ද පැවසුවේය. එවිට වරුණ සහ චමත් විහිළුවට මෙන් පැවසුවේ එම තෑගි වලින් තමන්ටත් කොටසක් ලබාදෙන ලෙසයි.
තවත් දිනක ඇමතුමක් ලබාගත් ඇන්ඩර්සන් තරිඳුගේ පෞද්ගලික ලිපිනය ලබා ගත්තේය. එලෙස ලබා ගෙන තරිඳුට එවීමට සූදානම් කර තිබූ මුදල් සහ තෑගි ප්රමාණය පාර්සල් කරන අයුරු වීඩියෝ ගත කර ඔහුගේ ජංගම දුරකථනයට එව්වේය.
ඉන් දිනකට පසු එම මුදල් සහ තෑගි පාර්සලය එරට භාණ්ඩ ප්රවාහන සේවා ආයතනයකට භාරදුන් බව පැවසූ ඇන්ඩර්සන් එම ආයතනයෙන් ලබාදුන් තරිඳුගේ විස්තර සඳහන් ලියකියවිලිවල පින්තූර ද එව්වේය. ඔහු එලෙස එම ලියකියවිලි පවා එව්වෙ තමන් අදාළ භාණ්ඩ ප්රවාහන සේවා ආයතනයට තරිඳුගේ තෑගි සහ මුදල් මෙරටට එවීම සඳහා භාරදුන් බව තරිඳුට ස්ථිරව දැන ගැනීම සඳහාය.
අවසාන වශයෙන් ඇන්ඩර්සන් තරිඳුට පැවසුවේ තව දින කිහිපයකින් එම තෑගි සහ මුදල් ලැබෙන බවත් අදාළ ආයතනයෙන් ඒවා ලබා ගන්නා ලෙසත්ය.
ඇන්ඩර්සන් එලෙස තෑගි සහ මුදල් එවා දින තුනකට පසු තරිඳුට 075xxxxxxx යන දුරකථන අංකයෙන් ඇමතුමක් ලැබුණේය. එම දුරකථනයෙන් කථා කළේ ජෙරඞ් නමැති පුද්ගලයෙකි. එලෙස කතා කතා කළ ඔහු තරිඳුට මෙලෙස පැවසුවේය.
”තරිඳු ඔයාගේ නමට පිටරටකින් ගොඩාක් වටින පාර්සලයක් ඇවිල්ල තියෙනවා. ඒක වහාම ලබාගන්න. හැබැයි ඒ පාර්සලය ඔයාට ගන්න රුපියල් 80,000 ක ගාස්තුවක් ගෙවන්න ඕනා. මම දෙන මේ ගිණුම් අංකයට එම මුදල බැර කරලා මට කෝල් එකක් දෙන්න. එතකොට පාර්සලය ගෙදරටම ඒවි.”
එලෙස පැවසූ එම පුද්ගලයා M.F. SA______ 1127XXXXXXXX. නමැති නම සඳහන් අයෙකුගේ ගිණුම් අංකයක් ලබා දුන්නේය. එය මෙරට පෞද්ගලික බැංකුවක ගිණුමකි.
එම දුරකථන ඇමතුමෙන් පසු තරිඳු මෙය වංචාවක් බව දැනගත්තේය. එම නිසා ඔහු ඇන්ඩර්සන් නමැති විදේශීය ජාතිකයාට ඇමතුමක් ලබා ගෙන ඒ පිළිබඳව විමසුවේය. එවිට ඔහු පැවසුවේ ”එම ගිණුමට රුපියල් 80,000 ක් බැර කර තමන් ලක්ෂ තිහකට අධික මුදල් සහ ලක්ෂ දහයකට අධික තෑගි ප්රමාණය ලබා ගන්නා ලෙසයි.”
ඇන්ඩර්සන්ගෙ එම කතාවෙන් තරිඳු තේරුම් ගත්තේ මෙය වංචා සහගත ක්රියාවක් බවයි. එමනිසා ඔහු ඇන්ඩර්සන්ට බැණ වැදුනේ මෙවැනි ක්රියා යළි නොකරන ලෙසයි.
මෙරට ජංගම දුරකථන අංකයකින් ඇමතුමක් ලබා ගත් පුද්ගලයාට ද තරිඳු පවසා සිටියේ මිනිසුන් රවටන මෙවැනි වංචා නොකරන ලෙසයි.
මෙවැනි වංචාසහගත කි්රයා අද ඊයේ සිදු වූවක් නොවේ. කලක සිට මෙරට සිදුවෙමින් පවතී. මෙරට සංවිධානාත්මක පිරිසක් විදේශිකයන් සමඟ එකතු වී මෙවැනි ආකාරයේ වංචනික ක්රියා දිගින් දිගටම සිදු කරති. මෙම වංචනික ක්රියාවලට හසු වූ බොහෝ මිනිස්සු සිටිති.
මා දැනුවත්ව අප කණ්ඩායමේ දෙදෙනෙක්ට මෙය සිදුවුණා. මේ පෝස්ට් එක මීට වසර 2කට පෙර පළකිරීමේදී ගෲප් එකේ 500කට වැඩි පිරිසක් ප්රතිචාර දැක්වුවා ඔවුනුත් අහුවුණා කියලා.
ඔබත් මේ වංචාවට අසුවූවාද? අනෙක් අයටත් දැනගන්න ඒ පිළිබඳව කමෙන්ට් කරන්න.
මේ වගේ වංචා වලට නොරැවටී ඉන්න ඕනනම් ඒ සඳහා දිනපතා අපේ පේජ් එකේ පෝස්ට් කියවන්න…
සැ.යු : උපුටා ගැනීම් කරුණු ඇතුළත් වේ. ඒවායේ අයිතිය කතෲන් සතුවේ.
Hotline : 0117 133 829 / 0701 10 10 10
Business HUB Sri Lanka | ව්යවසායකත්ව අත්වැල
𝗧𝗲𝗰𝗵𝗟𝗮𝗯𝘀 𝗜𝗻𝗻𝗼𝘃𝗮𝘁𝗶𝘃𝗲 𝗦𝗼𝗹𝘂𝘁𝗶𝗼𝗻𝘀 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 (𝗣𝘃𝘁) 𝗟𝘁𝗱 – Reg No : PV00234253
#businesshubsrilanka #techlabs #charityshop #daneshedirisooriya #business #swayanrakiya #onlineearning #entrepreneur #selfemployment #emoney #Technopreneurs #businesssuccess #businessideas #selfemployementideas #techlabsonlinebusinessideas #onlinebusinessideas #scamalert #youtubeearnings #youtubescams #pyramidscams #vocscam #coinscam #සුද්දගේscam