සහස්නා ඇපරල් – Sahasna Apparel කියන්නේ වසර 18 මාගේ සමාජසත්කාර ගමන් මගෙහි සුවිශේෂී වූ සංධිස්ථානයක්.
🍀ලාභය පසෙකලා සම්පූර්ණ Production එකම දුප්පතුන්ට බෙදන ලෝකයේ එකම ඇඟලුම් ආයතනය🍀
ශ්රී ලංකාව තුළ පැය 24 පුරාත් දින 365 පුරාවටත් ක්රියාත්මක වන අවම ශ්රම දායකත්වයෙන් වැඩිම සේවාවක් ලබා දෙන ෆේස්බුක් සමාජ ජාලය හරහා එක් රොක් වූ පිරිසගේ සහයෝගයෙන් සිදු කරන විශාලතම සමාජ සේවා ආයතනයක් වන, ජාතික සහ ජාත්යන්තර සම්මානවලට පාත්රවූ, වසර කිහිපයක්ම ශ්රී ලංකාවේ විශිෂ්ටතම සමාජ සේවා ආයතනය ලෙස ඇගයීමට ලක්වූ SamajaSathkara.lk Foundation හි තවත් එක් විශේෂ ව්යාපෘතියක් ලෙස සහස්නා Apparel හැඳින්විය හැක. දිනකට දෙකකට සෑහෙන බඩු මල්ලකට වඩා ස්ථීර ආදායමක් ලැබෙන උපකාරයක් ලෙස සහස්නා Apparel ආරම්භ කෙරිණි.
මැහුම් කුසලතා ඇති අය හට අවශ්ය සියළුම අමුද්රව්ය ලබා දීමත් ඔවුන් මසා නිම කරන ඇඳුම් මිලදී ගෙන කුසලතා නැති අය හට ලබා දීමෙන් ඒ අයටත් ආදායමක් ලැබෙන ලෙස වෙනස්ම වූ සැලසුමකට අනුව මෙම කටයුත්ත සිදු කෙරේ. මෙහි ප්රධාන මධ්යස්ථානය දියතලාව ප්රදේශයේ ස්ථාපිත කර ඇති අතර මසන ලද නිමි ඇඳුම් වල තත්ව පරික්ෂාව සහ බෙදා හැරීම මෙන්ම ඇඳුම් මැසීමත් මෙහිදී සිදු කෙරේ.
මෙමගින් දැනට අඩු ආදයම්ලාභී කාන්තාවන් සයදෙනෙක් සඳහා ස්ථිර රැකියා ලබාදී ඇති අතර වසරක් තුළ උපරිම පවුල් 100ක් සඳහා ස්වයංරැකියා ලබාදීමට බලාපොරොත්තුවෙන් මෙය ආරම්භ කරන ලදි. ඊට අමතරව වසරකට දිළිඳු දරුවන් සහ වැඩිහිටියන් 5,000 අතර ප්රමාණයකට නිමි ඇඳුම් පරිත්යාග කිරීමද මේ හරහා සිදුකෙරේ.
“සහස්නා” ඇපරල් | “Sahasna” Apparel (A Virtuous Associate of Samajasathkara.lk) – Sustaining Rural Families
සමාජසත්කාර සේවාවන් වඩ වඩාත් පුළුල් කරමින් ග්රාමිය පෙදෙස්හි ආර්ථික අතින් ඉතාමත් අසරණව සිටින පවුල් වෙත ඇඟලුම් කර්මාන්තය නැවුම් ලෙස වෙනස්ම ආකාරයකින් හඳුන්වා දීම උදෙසා සමාජසත්කාර ඇපරල් ව්යාපෘතිය ආරම්භ කිරීමට අප සැලසුම් කළා.
පසුගිය අවුරුදු කීපය මුළුල්ලේ සමාජසත්කාර මඟින් ලංකාව පුරා දරුවන් කිහිප දෙනෙකුගෙන් යුත් ඉතා අසරණ තත්වයේ ජීවිත ගෙවන පවුල් වෙත මහන මැෂින් (25) සහ රෙදි ලබා දෙමින් ස්වයංරැකියාවක් ලෙස නිමි ඇඳුම් නිවසේදීම සාදා අලෙවි කිරීමට අවස්ථාව ලබා දුන්නා. නමුත් එහිදී ඔවුන්ට මැසිය හැකි වෙන්නේ ඇඳුම් එකක් හෝ දෙකක් පමණයි. ඉන් සැලකිය යුතු ආදායමක් ලැබෙන්නේ නැහැ.
නමුත් අලෙවිය වැඩි වී නිසි වෙළෙඳ පොළක් ඇති වුවහොත් ඔවුන්ගේද උනන්දුව වැඩි වී තවත් ඇඳුම් වැඩි ප්රමාණයක් වෙළෙඳ පොළට ලබා දීමට ඔවුන් උත්සහ දරාවි. එනිසා ඔවුන්ට වෙළෙඳ පොළක් ඇති කර දෙන්න අප සිතුවා.
මහන්න හැකියාව තියෙන අයට මහන මැෂින් ලබා දුන්නා වගේම මහන්න බැරි අයට අපි බලාපොරොත්තු වෙනවා මැෂින් ලබා දුන් අය මසා නිම කරන ඇඳුම් ඒ අයට අලෙවි කරන්න ලබා දෙන්න. එතනදී මහන අයත් මහන්න නොදන්න නමුත් අලෙවි කරන්න හැකි අයත් එකිනෙකට සම්බන්ධ කිරීමක් මේ හරහා සිදු වෙනවා.
මෙහිදී අප විසින් මහන මැෂින් ලබා දුන් පවුල් විසින් මසා නිම කරන ඇඳුම් දියතලාව ප්රදේශයේ අප විසින් ගොඩනඟාගෙන යනු ලබන සමාජසත්කාර ඇපරල් හි ප්රධාන මධ්යස්ථානය වෙත පලමුවෙන් භාරගනු ලබනවා. පසුව එහිදී ලබා ගත් ඇඳුම් සියල්ලක්ම තත්ව පරික්ෂාවකට ලක් කොට අදාළ මිළ සඳහන් ටැග් පත් සහ සමාජසත්කාර ලාංඡනයද සවි කර ඇසුරුම් කවර වල බහා, ග්රාමීය මට්ටමින් අප විසින් අලෙවිය සඳහා තෝරාගත් පවුල් වෙත භාරදෙනු ලබනවා.
මෙසේ අලෙවි කිරීමේදි ඇතිවන ඉල්ලුමට සරිලන විශාල ප්රමාණයේ සැපයුමක් ලබා දීමට තරම් හැකියාවක් මහන මැෂින් ලබා දුන් පවුල් වලට නොමැති නිසාවෙන් එම අවශ්යතාව සැපිරීමට අප විසින් දියතලාව ප්රදේශයේ ඉදි කරනු ලබන සමාජසත්කාර සහස්නා ඇපරල් හි ප්රධාන මධ්යස්ථානය තුළත් නිමි ඇඳුම් මැසීම සිදු කරනවා. මෙහි සේවය කිරීම සඳහාත් ඉතා අන්ත අසරණ පවුල් වල පිරිසක් තෝරාගනු ලබනවා. වැටුප් ලබන පිරිසක් යොදවා එහි සේවා කටයුතු කරගෙන යාමට බලාපොරොත්තු වනවා. මෙනිසා ඔවුන්ගේද ජීවන බර නැතිකර ආර්ථික නගා සිටුවීමක්ද ඔවුන්ගේ පවුල් වලටද ලැබෙනවා.
මේ තුළින් ග්රාමීය ප්රදේශ වල පිරිසට ඉතා අඩු මිළට ඇඳුම් මිළදී ගැනීමටත්, ඉතාමත් අසරණ පවුල් වල මහන මැෂින් ලබා ගත් අයගේ නිෂ්පාදන අලෙවිය සඳහා ඉදිරිපත් වූ අයට ලබා දෙමින් ඔවුන් දෙපිරිසම එකිනෙකට සම්බන්ධ කරමින් ආර්ථිකය ගොඩ නැංවීමටත් හැකියාව ලැබෙනවා. ස්වයංරැකියාවක් ලෙස මහන මැෂිමක් ලබා දෙනවාට වඩා වැඩි ප්රතිලාභීයක් මේ තුළින් ඔවුනට අත් වන අතර මෙය ඉතාමත් වෙනස්ම ආකාරයක සැලසුම් ක්රියාවලියකි.
විශේෂ සටහන් :
මෙම විශේෂ ව්යාපෘතිය ආරම්භ කලේ මාගේ සහෝදරිය Nilanthi Edirisooriyaගේ 44 වැනි ජන්ම දිනයට (ජූනි 18) සමාජසත්කාර වෙනුවෙන් දැක්වූ අනුපමේය සහයට ඇයට උපහාර දැක්වීම උදෙසාය.
🐘 සහස්නා ඇපරල් – Sahasna Apparel ඇත් පවුරට – අපේ රටේ සමාජ ව්යවසායකයන් දිරි ගන්වන බලවේගය
අපගේ සහස්නා ව්යාපෘතිය ITN ඇත්පවුර වැඩසටහන සඳහා තේරී පත්වූ වග සතුටෙන් දැනුම්දෙමි.
ඇත් පවුර (அத் பவுர | Ăth Pavura) යනු රටපුරා විසිරුණු සමාජ ව්යවසායකයින් විසින් තම සමාජීය ව්යාපාරික අදහස් හා සැලසුම් රටේ පිළිගත් ආයෝජකයන් වෙත ඉදිරිපත් කර, ඔවුන්ගේ අවධානය දිනා ගනිමින් තම සමාජීය ව්යාපාරය සාර්ථක කරගැනීමට වෙර දරන වැඩසටහනකි.
මේ වගේ ගාමන්ට් එකක් ලෝකේ කොහේ හරි තියෙනවනම් අටපට්ටමට කියන්න හොඳේ…
💁 කලකට ඉහත පළකල පෝස්ට් එකක් නැවත පළකිරීමක් බව කරුණාවෙන් සළකන්න. අමුද්රව්ය වල මිළ දැඩි ලෙස ඉහළ යාම නිසා දැනට සහස්නා ඇපරල් ආයතනය ක්රියාත්මක නොවන බව කරුණාවෙන් සළකන්න.
❌ මේ පෝස්ට් එක දුටු පමණින් WhatsApp බොත්තම ඔබා හෝ Messenger බොත්තම ඔබා ආධාර ඉල්ලීමෙන් වළකින්න. දියුණු වෙන්න අවශ්යයිනම් සියලුම මගපෙන්වීම මේ පේජ් එකෙන් ලබාගෙන ඔබට දියුණු වෙන්න පුළුවන්. කිසිවෙක්ට අතපාන්න අවශ්ය නැහැ..
බුද්ධිමත් වෙන්න, ලිපි කියවා දැනුම ලබන්න…
දියුණු වෙන්න…
Hotline : 0117 133 829 / 0701 10 10 10
Business HUB Sri Lanka | ව්යවසායකත්ව අත්වැල
𝗧𝗲𝗰𝗵𝗟𝗮𝗯𝘀 𝗜𝗻𝗻𝗼𝘃𝗮𝘁𝗶𝘃𝗲 𝗦𝗼𝗹𝘂𝘁𝗶𝗼𝗻𝘀 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 (𝗣𝘃𝘁) 𝗟𝘁𝗱 – Reg No : PV00234253
#businesshubsrilanka #techlabs #charityshop #daneshedirisooriya #business #swayanrakiya #onlineearning #entrepreneur #selfemployment #emoney #Technopreneurs #businesssuccess #businessideas #selfemployementideas #techlabsonlinebusinessideas #onlinebusinessideas #සහස්නාඇපරල් #sahasnaapparel #hnbathpaura
